يا ورقتى .. يا ورقتى :)

واحد من طقوس حياتى اليومية انى اول ماتيجى الساعة 12 بليل اجرى ع النتيجه اللى ع الحيطه واشيل الورقة عشان اقرا الحكمة الموجوده عليها ..
وياويله اللى يفكر ف البيت انه يقطعها قبلى ...
عشان كده لما بتخانق مع اخواتى فى البيت احد اساليب الحرب البارده بينى وبينهم انهم يقطعوها قبلى :)))))

معرفش ليه بحس انها موجهة ليا انا وانى فى وقت ما اكون محتاجه حاجه هلاقى فيها كلمة تنورلى طريقى ....

امبارح كنت متضايقة اوى ومخنوقة معرفش ليه .. وماكنتش نايمه بقالى يومين وبرده ماعرفتش انام الا ساعة من كتر مانا متضايقة مع انى كنت تعبانه جدا
استنيت لحد الفجر وقلت اصلى وانام .. وقبل الفجر افتكرت انى ماقطعتش ورقتى بقالى يومين عشان الامتحانات .. رحت جريت وطلعت وقفت ع الكرسى عشان اطولها واقطع ال 3 ورقات

لقيت اول ورقة بتقولى اياك تقطع راى بتؤمن بيه عشان راى الناس اللى حواليك :)
قلت ايه ده ورقتى عرفت ازاى :)؟؟؟
شفت التانيه لقيتها بتقولى ان ربنا شايف وحاسس بكل حاجه بنعملها حتى لو نسينا ده :)

فتحت ورقتى الاخيره والفجر بيأذن حواليا لقيتها بتقولى اذا سجد القلب سجدت معه كل الجوارح :)
عرفت انها ليا .. وليا انا لوحدى :)
صليت الفجر صلاة سجد فيها قلبى وروحى وكل حاجه فيا .. سجدت فيها كل جوارحى :)
كنت حاسه ان ربنا حاسس بيا وشايفنى ف اللحظه دى وانا بقوله ريحنى يارب .. ارضى عنى وقربنى منك حتى لو كنت انا بزعلك منى ساعات كتير .. خليك جنبى دايما يا حبيبى ...
ربنا كان سامعنى اوى وريحنى اوى
ونمت وانا مرتاحه ومبسوطه عشان حسيت بالسكينه والاطمئنان اللى كنت محتاجاهم وعرفت ان ورقتى ماكدبتش عليا وعمرها ماهتكدب ابدا :)

يا ورقتى يا ورقتى يا ترى هتقوليلى ايه النهارده :)

Eman
7/2/2012

احلى الاوقات :)

اكتبى ..قولى اللى جواكى
حتى لو مش حلو طلعى احساسك ع الورق ....
لما سمعت كده فكرت كتير اوى اكتب عن ايه ماوصلتش لحاجة
كنت قاعدة النهاردة مع شخص عزيز عليا كان بيفتكر ذكريات مر بيها سواء كانت سعيدة او لا  بس الحاجات دى خليتنى ابتسم من جوايا ....

حلو اوى انك تأرخ جواك يوم وموقف وتفتكرهم وتقول ان كنت هنا وعملت كده ف يوم وده أثر فيا عشان كده بفتكره ....

معرفش ليه انا مؤمنة ان مش الفكرة اننا نوصل لهدف او مش هيا دى كل حاجة عايشين عشانها لان اللى بيعملنا هوه ذكرياتنا ومواقفنا عشان كده لازم نخلى كل يوم لينا يستحق الذكرى جوانا وجوه اللى حوالينا ........



مفيش اشخاص كتير أثرت فى حياتى ع الاقل بطريقة مباشرة الا فى حاجات محدودة ...
واعتقد ان ده مع سنين عمرى العشرين كارثة ...
وانى ضيعت كتير اوى وما استفدتش من حاجات وناس كتير عدوا عليا وما اهتمتش....

افتكر ان اول حد كان ليه تأثير عليا كان جدى الله يرحمه ..رغم انه اتوفى وانا ف سن صغير جدا لا يتجاوز ال 10 سنين الا انه مازال ليه اعظم تأثير فيا.....

رغم انى للاسف ماكنتش فاهمة ولا كنت عارفة قيمة خبرة الراجل العظيم ده
فاكرة وشه المكرمش العجوز اللى كله طيبة وحنية وحكمة وحزم ف نفس الوقت وهوه بيضحكنى وبيحضنى ..فاكرة اوى ريحة حضنه اللى فضلت متعلقة ف حتة جوايا مش هتروح منها وانى كنت بحس انى مش عاوزه حاجة من الدنيا الا ان لحظة الحب والامان دى تستمر ...
فاكرة ف اخر ايام مرضه انى الوحيدة اللى سمحلها دخل عليه وحاول يقوم عشان بس يشوفها ويدعيلها من قبله ....

فاكرة كرامته وكبريائه وعزة نفسه حتى فى اشد لحظات ضعفه
...فاكرة ايمانه وثقته فى ربنا اللى ملهاش حدود..فاكرة حب ولاده ليه واد ايه رغم تدينه كان راجل متفتح وبيقبل كل جديد....
فاكرة ثقته ببناته اللى ياما اتحكالى عنها بفخر من امى واخواتها ...

اد ايه ندمانة انى ماخدتش جزء من خبراته ..انى ماسمعتلوش وقعدت معاه كل وقتى ....

الله يرحمه ويغفر له ويدخله جناته ويجمعنى معاه يوم الحساب يارب ....

من احلى ذكرياتى ..اول مصروف خدته فى حياتى ..
كان اول ربع جنيه امسكه فى ايدى وحاسة انى شايلة كنز واجرى ف الشارع اقول لكل الناس شوفوا معايا ايه ..:)
اول يوم دراسة والعياط لانى لاول مرة ابعد عن حضن امى ...

اول صاحبة قعدت جنبها وسلفتها مية من الزمزميه بتاعتى :)
فاكرة اول 5 جنيه اخدتها من المدرسة على الشعر وتقديم الاذاعة كل يوم اربع ف ابتدائى :)

فاكرة اول ضربة قلم اديتها لصاحبة عمرى _فى الوقت ده _عشان عصبتنى واحنا بنلعب كوتشينة فى تالتة ابتدائى :D

فاكرة اول مرة غشيت من صاحبتى ف امتحان من تحت التختة :)

فاكرة اول مرة اخويا علمنى الصلاة وانا عمرى 5 سنين وانى كنت بصلى جنبيه وانا بضحك وبعمل باى باى لماما من بعيد :)))))))

فاكرة السنين اللى ماعداش عليا فيها يوم الا وانا بستنى بابا فى الشباك واول ما اشوفه انزل اجرى وانا بزعق عشان اسمع كل العمارة بابا جه ..بابا جه :):)

فاكرة اول مره وقعت وانا بجرى ع السلم عشان افرح ماما انى نجحت فى كى جى 1 وانى جرحت رجلى وقمت وانا مش مهتمة بالالم من كتر فرحتى وان ماما جايتلى ساعتها اكبر علبة بسكوت شفتها ف حياتى ف الوقت ده :):)

فاكرة خوفى من العيل اللى على اول شارعنا اللى كان اصغر منى بكتير وكان بيخطف منى الفلوس واللاكل كل ما اعدى بلطجة :))))))

فاكرة انى كنت بحب اخويا حب جنونى
اخويا اللى علمنى الصلاة قبل ما ادخل المدرسة
اللى علمنى كل الخرايط والقارات قبل ما ادخل المدرسة
اللى مثللى كل التاريخ الاسلامى وفتوحات الاسلام قبل ما اعرف اى حاجة فعليا عن الاسلام :):):)

انى ماكنتش بسمحله يخرج يروح اى مكان الا وانا وراه ع العجلة يجيبلى ايس كريم ..وانه لما سافر المنصوره فى اول سنه ليه فى هندسة كان عندى 7 سنين  وانى كنت بكتبله جوابات كتير بلغة هيروغليفية عجيبة كده وامسك صورته واقلد الافلام وابوسها واقول امتى ترجع يا شريف يا حبيبى :):):)



فاكرة اول فرحة ..واول حزن..واول دقة قلب ..واول صدمة ..واول كدبة ..واول توبة ..واول دعاء من قلبى لربنا .....

فاكرة اول كل حاجة عملت منى ايمان ..اللى مش ندمانة على حاجة الا انها لسة ماجربتش اول مرة فى حاجات كتير ..... :)

كلمة اخيرة :-
الى من دفعنى لكتابة هذا اليوم ...شكرا لانك حررت قيد الحرية بداخلى :)

شكرا لذكرياتى ...شكرا لحياتى
شكرا ل أنا ... لأنها هى أنا ..... :)



Eman
3-3-2012

شكرا يارب :)

شكرا يارب على كل حاجه اديتهانى ...
وكل حاجه اخدتها منى عشان عارف ان ده الخير ليا وانا مش عار فه

شكرا على كل لحظه حفظتنى فيها وشديت بايدى وانا يائسه...
شكرا على كل لحظه بحس فيها انى ماليش غيرك وانك حبيبى يارب ..
شكرا على كل الناس اللى اهديتهوملى ف حياتى بحبهم وبيحبونى


مهما حصللى ومهما وقعت عارفه ان النور قريب والفرج جاى وانك باصص عليا دايما حواليا ومعايا


يارب ارضى عنى وخلينى ارضى عن نفسى


بحبك اوى يارب واوعدك انى مش هحب حد الا فيك ولا بتمنى الا حد يحبنى فيك ويراعينى فيك


شكرا يارب :)






ايمان


4-1-2012

طعم الذكريات

اد ايه احساس وحش اوى لما تبص على صور لسنين فاتت وتحس انك مش عارفك.....اد ايه انت اتغيرت لدرجة انك مابقيتش عارف ملامحك نفسها ......

نظرة براءة  او نظرة سعادة شخص ما اختبرش الحياة لسه ولا ساب الزمن بكل مقالبه علاماته فيه.....المشكلة  انك بتقنع نفسك ان التغيير ايجابى وانك لازم كنت تجرب ..ولازم كنت تعانى ..ولازم كنت تفارق وتخسر احلى حاجة ف حياتك......

كل ده بتقنع بيه نفسك وتقول انك بقيت اقوى ...بس من جواك وفى قرارة نفسك كل مابتشوف صورة او تاريخ بيفكرك بيك زمان بتحس بمرارة جواك ..مرارة ذكريات طعمها عمره ما راح..محفور جواك ..فى نظرة عينيك..فى كلامك ..فى شخصيتك.....

وانت مش حاسس يوم عن يوم بتتغير رغم ان مفيش جديد......بس من فداحة اللى انت خسرته مابقيتش عاوز ليك صلة بأى حاجه قديمة حواليك او حتى حاجه قديمة ف شخصيتك  عشان ماتفتكرش اللى فات

بتقنع نفسك انك احسن واجمل عشان تعرف تكمل وماتكرهش كمان نفسك..بتدعى ربنا كل يوم ان النسيان يزورك ويدق على بابك...ويقرب كل احلامك ..ويرزقك من حيث لا تحتسب فرحة قريبة تنسيك كل حاجة....

الحمدلله اللى رزقنا ناس بتحبنا وكل امنيتها اننا نرتاح ونكون اسعد واحسن..ربنا يخليهم لينا ويحببنا فيهم ويفرحهم زى ما بيحاولوا يفرحونا

لكل شخص حبنى بجد وما اتخلاش عنى شكرا ...ولكل شخص حاول يحبنى ومااستحملش برده شكرا :)

تخاريف ايام الامتحانات :D:D

ألا يكفى كل هذا الندم كى يعيد لى الزمن ماكان ؟!!!!!!

Eman
24-6-2011

**********************************


كانت تعتقد ان ما تحتاجه هو الابتعاد عن عالمها الخارجى .... لم تكن تعرف ان غربتها فى ذاتها......
ان ما تحتاجه حقا هو التخلص من التفكير بمن شكلوا سجنها الداخلى
Eman
28-6-2011

************************************


كانت تعتقد ان كل شئ انتهى بالنسبة لها...اقنعت نفسها انها نسيته ولم تعد تحمل له داخلها سوى مجرد ذكرى باهتة......
ولكنها كلما جلست وحيدة ضبطت نفسها تبتسم وتضحك لكلمات حب سمعتها منه..لابتسامة ونظرة حب كان يرسلها لها كلما كان يراها من بعيد.....
عندها كان يخفق قلبها بقوة معلنا تمرده وعصيانه على كل ماوضعته حوله من حواجز واسوار معلنا مدى اشتياقه له....
نفضت رأسها بقوة واغمضت عينيها وهى تتمتم :لا ،سوف انساه..لن اتذكره بعد اليوم ...
ومن داخلها قلبها يصرخ بقوة : يارب لا تجعلنى انساه..ولا تذكرنى بغيره بعد اليوم
Eman
28-6-2011

****************************************

دائما ماكانت تحاول ان تقنع نفسها ومن حولها انها سعيدة بحياتها.....
 ولكن كانت كلما ابتعدت عن من حولها واصبحت وحيدة تشعر ان هناك شئ ما بنقصها...
لم تكن تجرؤ على الاعتراف بأنه هو ما ينقصها...
وكأنه برحيله اخذ معه جزءا من قلبها وروحها.........
كانت تبتسم وتفرح كلما رأت من حولها اثنان يتحابان...تراقب نمو حبهما  وهى تحاول ان يكون لها الدور الاكبر فى حكايتهما......
تسعى بكل جهدها للتقريب بينهما....
وتتعذب كلما حدثت مشكلة بينهما...
كانت تبكى حكايتهما كأنما تبكى نفسها وحبها....
تسعى لانقاذ حبهما وهى تشعر انها تنقذ حبها هى .....
وكأنما تحاول اصلاح ما افسدته بالماضى ..............
وكأن بداخلها الامل ان يعود لها الحب والحياة .....
ان تحافظ على ماتبقى لها من نفسها .....

Eman
5-7-2011

واتولدت من جديد ^_^

احم....ممكن نبدا من جديد





ثوانى بس كده ..


احم...اه معاك


انا اسمى ايمان ..


ايه؟...عارف ؟!!


غريبه ..انا جديده هنا..لالا يمكن تشابه اسماء ..انا اعرف واحده كان ليها نفس اسمى وشكلى وصفاتى تقريبا بس دى ماتت يوم ميلادى انا..الله يرحمها بقى




اه يوم ميلادى ..انا بعتبر ان عمرى ووعيى بدا من شهرين اتنين بس..!!!




يعنى بالظبط كمان ساعه هيبقى عندى شهرين ويوم..!!




انا واحده سعيده ..ومن زمان اوى ..حتى فى حياتى اللى فاتت كنت سعيده ..بس ماكنتش مصدقه او ماكنتش عاوزه اصدق...


انا ماعنديش مشاكل خاالص ..مفيش غير شوية كلاكيع صغنطوطه باقيالى من حياتى اللى فاتت دى ومش عارفة اعمل فيها ايه ...






عارف ...انا اول مره فتحت عينى ماكنتش عارفة ان كل حاجه واضحة كده..كان عينى بقت ولا احسن كاميرا جايبة انقى صور للحياة...


ماتستغربش لو قلتلك ده مافرحنيش على اد ما هوا خضنى...اللى هوا قلت يا نهار ابيض ايه ده هوا بجد الدنيا كده وانا مش حاسه ؟!! :D:D








هقولك على حاجة تانية....انا اول مره افتح عينى بجد كانت وانا حاطة راسى ع السجادة بسجد لرب كريم رجعنى للحياة من تانى عشان اشوفها...انا محظوظه ان ربنا بيحبنى وبيدينى فرصة تانيه....








عارف يعنى ايه تفتح عينك وتحس طول اليوم ان قلبك ساجد..خاشع..مؤمن برب مفيش احن منه عليك..!!






عارف يعنى ايه لما تقرا كلامه تحس بدموع بتنزل وبرهبة وخوف وندم وحب وشوق ولهفة وسكينة ورضا ..و كإنك بتتغسل من جوه..






كإنك بتشوف ميلادك بعينيك واى حاجه تانيه بتتمحى وتموت...




كإنك كنت بتجرى بقالك سنين ومش عاوز تقف ..تجيلك عقبات ووقفات وعبر عشان توقفك وانت تتخبط فيها وتكمل ..اه تعبان بس خايف جبان وبرضه بتجرى !!






وفجأه اترميت فى حضن الارض ..وسجدت وبكيت ..واستغفرت ..وهديت وارتحت ..






فجأه بقيت احلى وانقى..بقيت قوى وحاسس انك تقدر تواجه اى حاجة..وفجإه لقيتك اتغيرت....مت واتولدت من جديد ..بفكر جديد ..وقلب جديد




عارف ايه اكتر حاجة كانت مخوفانى ساعتها ...كنت ندمانة وخايفة من عقاب ربنا وكل ما افتكر كلام ربنا وهوا بيقول " يمهل ولا يهمل "




اخاف واندم واقول يارب هتتردلى فى ايه ؟




بس عارف اكتشفت ايه..اكتشفت ان اقسى عقاب هوا اللى انا فيه ده ..الندم اللى بيعصرنى من جوه..صور الحياة اللى ضيعتها ..العمر اللى راح بدون فايدة..احلى واجمل ناس فى حياتى ضيعتها ...آلام الناس اللى بحبها ووجعتها حسيتها..قسوة قلبى وعنادى اتقلب فجأه لوجع بيضربنى كل ليلة وانا بفكر..





ندم وامل فى بكرة..احساس وايمان ان الاوان مافاتش..لسه فيه امل






انا واحده تانيه اتولدت وكبرت واتعلمت على سجادة الصلاة وصوت القرآن







الوقت فجر ..صوت المؤذن من بعيد بيقول حى على الصلاة..حى على الفلاح..الصلاة خير من النوم





افتح عينى




مش سامعة صوت حد ولا حاسة بحاجه


ماسكة المصحف وحاسة بهمس كلمات القرآن وانا برددها بيدخل جوايا..وآية بتتردد جوا صدرى :ألم يأن للذين آمنوا ان تخشع قلوبهم لذكر الله "








ادمع ..وارمى نفسى ع الارض..واقول سامحنى يارب وقربنى منك..ماتخلينيش ابعد عنك تانى ولا استسلم تانى..انا محتاجاك اوى







.....قلبى بيدق جامد وصوت جوايا بيردد كلام ربنا "واذا سألك عبادى عنى فإنى قريب اجيب دعوة الداع اذا دعانى فليستجيبوا لى وليؤمنوا بى لعلهم يرشدون "






......الحمد لله يارب ....وارتاح













هنا خلصت الحكاية...لا يمكن هيا بدأت


الحكاية فصولها كتير وبتتكرر...احنا اللى مش شايفين او مش عايزين نشوف..!!




فطرة الانسان هى الاسلام الصح..لما يرجعلها يعنى الراحة اللى بجد..






انا مبسوطه بجد..ومهما زعلت او احبطت او حصلتلى مشاكل انا راضية عن نفسى طول مانا حاسة انى رضيت ربنا..وهوا معايا انا مش خايفة من حاجة ولا من حد..هيجيبلى الخير فى الاخر..مهما قاسيت الخير مستنينى....









ياارب ..سألتك باسمك الرحمن الرحيم ان تنقذنى من عينى فلا ترينى الاشياء الا بعينك انت ...وتنقذنى من يدى فلا تأخذنى بيدى بل بيدك انت ..تجمعنى بها على من احب عند موقع رضاك فهنالك الحب الحق..وهنالك استطيع ان اقول..لقد اخترت لأنك انت الذى اخترت..وانت الوحيد الذى توثق جميع الاختيارات وتبارك كل الحريات...


انت الحرية..ومنك الحرية..وبك الحرية..


وانت الحب ..ومنك الحب ..وبك الحب..

آمين


^_^

Eman

25-6-2011

...ذكريات....

تشعر وكأن العالم ينسحب من حولك شيئا فشيئا..لا يبقى لك سوى ذكرى مشوهة الملامح..لم تعد تريد ان تتذكرها..لم تعد تريد ان تراها..لكنها لا تنفك تظهر امامك باستمرار..انهم يرحلون...يعودون مره اخرى...فلا تشعر بهم

لم يعد يهم شئ .....تتسائل متى كنت شخصا عاديا يمشى ويضحك ويحلم لاخر مره؟!!لا تعلم..تبدو لك كانها ذكريات حلم بعيد لم يعد لك الحق به مرة اخرىانهم لا يدركون ماتشعر به..يقولون كلاما كثيرا به بعضا من المواساه وربما به ايضا بعضا من القسوه...ربما هم على حق...لكنك لا تستمع اليهم

تحاول وتحاول ان تتناسى

أتحب من جديد ؟؟!!!نعم..تعرف انك فكرت بهذا مرارا..ربما فعلتها...لكن..لا انك لا تستطيع الاستمرار..لا تستطيع خداع نفسك

انها بداخلك ..تعرف انها جزء منك..وبفقدانها فقدت هذا الجزء..

تتمنى نوما بلا احلام..فلا تنام الا وصورتك بين عينيها ..تتمنى الا تراها وقلبك يتحرق شوقا لرؤياها

تراها بكل مكان...ياالهى..هنا اول مره رايتها..هنا كانت تهمس لك احبك ليرتجف كيانك كله

أتسمع الان اول اغنيه سمعتوها معا ؟!!

ترى امازالت تتذكر..لا لا يمكن لهذا ان يحدث

انك تامل هذا ولكنك تعرف انه مستحيل

احقا نسيت كل شئ ولم يعد بوسعها ان تحبك ؟!!

أحقا ستحب شخصا اخر تقول له نفس الكلمات التى مازالت تتردد بداخلك

يرفض قلبك بقوه..فلم يعد يستطيع تحمل ان يصطدم بالحقيقه

يصرخ بك عقلك بقسوه " لو ان بداخلها بعضا مما تشعر به لما تركتك..لعادت اليك ..لنظرت لك ورات بعضا مما تشعر به من الم..

فلتنساها فهى لم تعد لك

يأبى كبريائك ان تحاول معها...

تتدارك نفسك فى اللحظات الاخيره قبل ان تركض اليها لتبثها بما فى قلبك

كم اشتقت لسماع صوتها ..يهمس اليك....

لم تعد تتذكره جيدا..حتى ملامحها لم تعد بذات الوضوح بذاكرتك

مابداخلك اقوى واعمق تاثيرا من هذا...انه جرح لن يندمل

لكم كنت تود لو يفرقكما ما بغير اراده اى منكم

اكنت تود لو تراها يوما فيبتسم كل منكما للاخر متذكرا الذى كان

فى النهايه هى ذكرى جميله..اننا لا نحب لنعذب انفسنا او نفرض عليها نوعا من العقاب يمتد اثره لاخر العمر

فلتسأل الله المغفره والنسيان...

فلم يعد لك سواهما...

انتهى.....

eman 20/2/2010

افكار وخلاص

بيقولولى افرحى يابت الكليه اهى داخله بقى وهتكسرى الملل اللى جواكى
دلوقتى مابقاش فيه الا 4 مصطلحات فى حياتى(الكليه ...الاكتئاب...البيت ...الاصحاب)
طيب وبعدين
انا وصلت لمرحله انى مليش هدف ..بقضى اليوم بيومه..مفيش جديد مش عارفه انا عاوزه ايه ولا حتى بعمل ايه...تصرفات مجنونه وكلام عجيب بيطلع...والاغرب من كده الصدف والكلام اللى بيتعامل بيه الناس اصلا..مش عارفه ايه الجو العجيب ده..بقيت زى الكائن الفضائى اصلاوالله مابقيتش عارفانى ولا حد عارفنى...بضحك ولا بعيط ..بهزر ولا بتكلم جد ..نايمه ولا صاحيه..حتى النوم مابقيتش عارفاه من الحقيقه ...لا وايه ما شاء الله التخاريف نازله ترف منى...بقيت بكلم نفسى...ههههههههه
قريت مقال كده فهمت منه انى على الارجح مصابه باكتئاب حاد..مشكلتى انى مدركه كل حاجه ومش عارفه اصلح ده..انا بكتب وبنام وبعيش وخلاص...اهه كلام بيتقال فى زحمه يومى لا هيقدم ولا هياخر ولا هيقدملى جديد....هوا فعلا مابقاش منه فايده...اللى زيى يقوللولى الموت ارحم...بس لا ان خايفه ...خايفه اوى...مش هقدر اقف ادام ربنا كده وانا عارفه انى غلطت فى حقه كتير...انى مذنبه دائما وابدا ...انى بغلط ولسه هغلط..انى مش بتعلم...انا مش مستعده لاصعب امتحان....عاوزه اصلح حالى ومش قادره...حاسه انى ضعيفه لدرجه انى مش قادره حتى افكر..شكل من بره بس...اله بتقوم بحاجات روتينيه كل يوم ...تضحك بحساب وتتكلم بحساب من غير تفكير او مشاعر حقيقيه
مش عاوزه حاجه غير انى ارتاااح...انا فعلا خدت قرارات ريحتنى والحمد لله بقت حياتى مستقره نوعا ما...بس ناقصنى الرضا ...الرضا عن نفسى واحساسى برضا ربى عنى.....عاوزه اكون بهدف وطموح وحاجه اجرى وراها بجد....عاوزه ما اكونش مخليه شخص يشيل منى او انى اشيل من حد...عاوزه كرامتى اللى حاساها فى حاجات اترمت فى الارض ترجعلى....عاوزاها ترجعلى ادام نفسى اولا لانى مش بتعلم...عاوزه وعاوزه وعاوزه...من غير هدف حقيقى ولا فعل بجد
ربنا يعيننى ويقوينى ويرضى علينا اجمعين
25/9/2009

ايه الصح بجد؟؟؟؟؟

ايه اصعب حاجه فى الدنيا؟؟؟
او بمعنى اصح ايه الحاجه اللى تكسرك وماترجعش بعديها زى ماكنت ابدا

انك تتصدم فى نفسك وتحس انك حد بيخدع نفسه اوى بكلام كده ملهوش لزمه..وانك بتكدب وتصدق نفسك بقى وفجاه هتلاقى اللى يديك على دماغك كده ويفوقك...وتحس انك بكده الظالم مش المظلوم

ولا انك تقابل حد تديله كل حاجه..وماتبينش اصلا انك بتدى شئ عشان احساسك ان هوه ده المفروض والصح ادام الناس وادام الشخص ده وانت بتتمنى فى كل لحظه يكون جنبك وحواليك..يكون هوه العمر وهو الحب وهو الحياه وتحلم تكبر جنبيه...وبعد كل اللى عملته يسيبك او يخدعك وتحس ان اللى جوالك كله انهار فى لحظه

ولا انك تحب حد اوى وتديله اوى ولا يهمك حد...تقف ادام الدنيا كلها عشانه...تواجه كل اللى يقولك لا ومش هوه ده..هتتكسر تقول لا ده هوه قوتى...يقولولك انت موهوم بس تكون مصدق ان دى احلى حقيقه فى حياتك...وفجاه تصحى تلاقى كل اللى حواليك بيضحكوا عليك ويقولوا هوه ده العبيط اللى اتصحك عليه بمشاعر وكلام...من الاخر ده كان بياع كلام وللاسف انت اشتريت كلام منه بكل مشاعرك واحساسك...لحد ما بقاش فى قلبك حاجه تديها لحد حتى لنفسك ولا انك تثق فى حد اوى وتديه اوى كل حاجه...تشاركه مشاعرك وكلامك...تبقى عايش يومك معاه...تفتكر ان حياتك وحياته حاجه تخصكوا لوحدكوا...فجاه تلاقى الخاص بقى عام المحظور بقى مسموح...مشاعرك وكلامك مرمى فى كل حته ويامين يشترى يا مين يقول يا مين عاوز يضحك على العبيط اللى مشاعره مش ملكه ولا حياته بقت تخصه

ولا انك تكره حياتك وعيشتك وتبقى مش عاوز تشوف حد..مابقتش قادر تكلم حد...خلاص مابقاش منه فايده...تلاقى نفسك بتشك فى كل نظرات اللى حواليك..ده حب ولا كره ده خوف عليك ولا سخريه..انت القوى ولا الضعيف همه الصح ولا انت....من الاخر انت التايه والمجنون والضعبف فى وقت واحد.....وهتستمر الحكايه....مش فى المواقف دى بس ولا الحكايات دى هتنتهى ولا الناس بتسيب حد فى حاله

تفتكر انهى الاصعب دلوقتى ...انك تفكر ولا الغى عقلك...

ويابنى فكك منى

16/9/2009

فلتسقطى

هيا اسقطى......
هيا استسلمى.....
لم يعد هناك فائده من المقاومه....نعم هذه النهايه..
هذه نهاية رحلتك ومشوارك الطويل.....لا تفكرى فى المواصله..
.ان فى الاستمرار جنون.....ان الامل يحتوى بين طياته موتا .....
يا الهى.....ايمكن ان تحتمل نفسا كل ذلك......!!!!
ان البشر لا يتغيرون...هم كعهدك بهم.....لا يصدقون ولا يريدون ان يحاولوا التصديق ......هم لا يرون الا ما يرضى ضمائرهم ورغباتهم.....
الرغبه فى الايذاء ....الشك الدائم.....هم فى ذلك فقط لا يريدون النسيان.....يحكمون عليك فى كل خطوه من حياتك....لا يرون انه يمكنك ان تكونى انت المحقه.....
لا انتى المخطئه....اوتريدين التكلم ايضا......يالها من وقاحة منك
كل يوم يقومون بهدم جزء جديد منك
كل يوم تشعرين انك تنفصلين عن كل ما تعودتى عليه
يختفى ويموت كل ما يمثل شيئا جميلا بالنسبه لك
لا يفكرون يوما فى ألمك........فى بكائك .......فى بقائك وحيده......لقد حكموا عليكى واصدروا الحكم ايضا.....لم يعد لكى الحق ان تفكرى فى حياتك.....هو التحكم الاول والاخير......يصيبك الحيره والارتباك.....تتخبطين فى كل مكان.....لا تعرفين كيف تتكلمين او تتصرفين.....لقد فقدتى الثقه فى نفسك ويرتفع الصوت بداخلك مره اخرى
هيا اسقطى....هيا استسلمى
تسقطين....تستسلمين
لا تجدى من يقف ليلقى عليك نظره....ليفكرانهم يقضون عليكى.....الا يفكرون ولو للحظه.....يا الهى
ايمكن لكلمه او تصرف ان ينهى حياه باكملها
ان تنهى طموحات واحلام واهداف لشخص.....لم يعد احد يفكر بها
يا الله يا كريم يا غفور يا رحيم......لم يعد لى سواك الجأ اليه
يا الهى ارحم ضعفى......ساعدنى يا ملك السموات والارض وماعليهما.....يارب لم اعد استطيع التحمل
يارب انت تعلم حالى.......ساعدنى يارباغفر لى ذنوبى....الهمنى الصبر على ما انا فيه.....انا احتاج اليك اكثر من اى وقت مضى
يــــــــــــــــــــــــارب
امين يارب العالمين
ايمان
9_7_2009

just...feelings

تأتى تلك اللحظه التى تتأكد بها بأن كل شئ قد ذهب..
لم يبق الا اقل القليل وينتهى كل شئ....ينتابك اليأس..الالم ربما ايضا الاحساس بالندم......
انت تريد ان تعود..ان تتكلم ولكن تختنق الكلمات فى حلقك..يأبى كبريائك و عنادك ان تقولها
رباه....الوقت يمر سريعا....يكاد وقتك ينتهى معه.....تردد ونبض قلبك يتسارع أحقا هذه هى النهايه؟
..لا يستطيع عقلك ان يدرك ان بضع كلمات يمكنها تدمير حياه
تبدأ فى اختلاق الاعذار لتطيل الوقت والفرصه معه ..فأنت فى النهايه لا يمكنك ان تصدق ان هذا يحدث لك بالذات
ولكن....يالهى انه يبتعد عنك...مع كل خطوه تشعر يقلبك ينبض بعنف وكأن هناك من ينتزعه من مكانه.....
تشعر انك لا ترى شيئا امامك....تريد ان تنادى وتصرخ بأعلى صوتك...ولكنك فقط تقف مسمرا فى مكانك..
تقول لنفسك كيف ستمر ايامى من دونه...كيف احيا واتنفس من دون حبه
تسير بخطوات ثقيله لا تدرى الى اين تتجه......يمر فى خاطرك كل كلمه همس بها اليك...تغمض عينك فى الم...تفتحها لتجد ان قدماك حملتك الى اماكن لقائكما معا.....
تتطلع الى المكان بلهفه بحثا عنه....تنتظر كثيرا.....يصرخ قلبك لا فائده .....تشعر ان جرح قلبك قد انفتح عن اخره وهو ينزف......
يمر يومك بطيئا ثقيلا وانت لا تكاد تستقر فى مكان....تتلمس الاعذار لتسمع اخباره ...لتلقاه...لتشعره بوجودك....
تحاول ايهام نفسك انك لا تفعل ذلك من اجله..انك قد نسيت.............ولكن هيهات
تمنى نفسك فى كل لحظه انه مازال بداخله بعضا مما تشعر به...بل وتحيا على ذلك الامل...انه يحبك وانكما ستعودا معا......
عندها تبدأ مقاومتك فى الانهيار....تكاد تذهب اليه تخبره بما يختلج فى صدرك ....ولكن بعضا من كبرياء يمنعك فى اخر لحظه
تمر اياما كثيره وانت لا تعرف كيف مرت....فأنت لم تشعر بها...وفى كل يوم وانت تحاول ان تراه وتوضح له انه مازال بداخلك وان قلبك مازال ينبض بحبه..............
لكن يتضائل الامل بداخلك تدريجيا.....تدرك انه لم يعد يذكرك.....انه لم يعد لك
عندها وعندها فقط......تشعر وكان ذلك الجزء بداخلك قد مات.......
انك يجب ان تقتل كل مشاعرك كى تحيا.....
فتدرك انك تغيرت......
لقد اصبحت كالبشر....بلا قلب

5/7/2009

تخاريف وسط المحاضرات

تمشي وحيدا وسط الناس..تنظر في وجوههم..منهم من يبتسم..يتألم..يضحك..لا تدرك او تدري مايقولون
لم يعد يهمك شئ..لا يمكن لأحد منهم ان يشعر بما في داخلك..تتساوي الأمور في تلك اللحظات لديك
تبتعد عنهم لعلك تجد الراحه
لكنك...تكتشف في النهايه مهما ابتعدت ان غربتك في ذاتك ليست بينهم
تتساءل
ماهو الجرح
ما هو الألم
لماذا انت وحدك تتألم
أحقا لا يشعرون
لا يرون الألم المرتسم في ملامحك
لا يرون دموعا خفيه يأبي كبريائك ان تنزل..ام هم فقط يتجاهلونها
في البدايه يزداد المك تقول لا وألف لاهم لا يستحقون ذلك
لكنك
تعود تتذكر الذي كان...أكنت حقا سعيدا في حياتي
اهو أنا الذي احدثت ذلك
لا تريد شيئا في الحياه سوي راحه بالك..عقلك
نوما بلا دموع
ان تتنهد بارتياح
ان تبتسم من اعماقك
ان تنظر حولك فتري نفس الوجوه فلا تتجاهلها
هم حولك..هم جزء منك
فما الفائده...تجد نفسك تقول الجرح ضعف
تقول كلمات انت نفسك لا تشعر بها لا تنفذها
تنظر في وجوه اخرين..تجد نفس المشاكل وربما اكثرتبتسم في مراره
تقول...وما الجديد...!!!

وتستمر الحكايه..بلا حل..بلا نهايه
Eman
27_3_2009Fy mo7adret mo3tasem :D

اكتر مقال واقعى بحبه واثر وغير فيا حاجات كتير

حافظوا على نظافة قلوبكم قلوبكم مدينة جميلة نقية فحافظوا على نظافتهاولا تفتحوا ابوابها الا لأولئك الذين يستحقون

********

نعم

قلبكم الابيض وطنوحلمكم الاخضر مدينة

فنظفوا طرقاتها من آثار اقدامهم

اذا شعرتم يومااو اكتشفتم انهم لا يستحقون

********

ولا تصدقوا مهما حاولوا اقناعكم

ان في القلب غرفة واحدة فقط

لا تستوعب سوى انسان واحد

يكون هو الحب

وهو الحلم

وهو الحياة

وان هذا الانسان اذا ما فجعنا يوما برحيله

توقفت ساعة الزمن عنده

وتوقفت الدنيا بعده

ابداففي القلب غرف كثيرةيقيم فيها الكثير من الناس

الذين نلتقيهموتجمعنا بهم الحياة في ظروف مختلفة

ونقاسمهم تفاصيل الحياة

ثم يرحلون تاركين خلفهم اشياء كثيرةمختلفة

********

فالبعض منهم يترك خلفه وردة حمراء تفقد بريقها مع الوقت

والبعض منهم

يترك خلفه حلما ناقص النمو

يلفظ انفاسه مع مرور الوقت

والبعض منهم يترك خلفه جرحا نازفا

لكنه يلتئم مع الوقت

وهنالك من يترك خلفه احساسا بالندم

نحتسيه فتره من العمرلكنه ايضا يتلاشى مع مرور الوقت

********

فهذه لعبة النسيان

تلك اللعبة التي يمارسها الوقت معناونمارسها نحن على قلوبنا مرغمين

حين نشعر بأن الذكرى

قد تعوق خطواتنا الثابتة نحو الحياةومع مرور الوقت نتقن اللعبة

فنلعبها على انفسنا

فننسى

ونتناسى

********

لكننا بالتأكيدحين نزور مدينة قلوبنانلتقي الكثيرين من الناس

الذين نحتفظ بهم في اعماقناوالذين لم يتمكن غبار الوقت من اخفاءملامحهم

فنصافحهم بشوق

ونحتويهم بحنين

ونتذكرهم بألم

********جميل ان نحبهم الى الابد

لكن الاجمل

ان يبادلونا هذا الحب الى الابد

كي لا يتحول احساسنا الجميل تجاههم

الى نوع من العذاب نمارسه على انفسنافي الوقت الذي لا يشعرون فيه بنا

********

فالألم العظيم هو ان تحب انسانا لا يحبك

والألم الاعظم

هو ان تحب انسانا يحب سواك

لان احساسك الجميل يتحول مع الوقت

الى زنزانة مظلمة تعيش فيها وحدك

وتحلم فيها وحدك

وقد تموت فيها وحدك

ولا يشعر بك..الا انت

********فأعتذروا لقلوبكم

اذا اخطأتم يوما الاختيارواحرصوا على آمالكم

فهذا الزمان يغتال الأحاسيس الجميلة ويفقدنا القدرة على الحب

واشياء اخرى لا تستمر الحياة الا بها

********

فشكرا

للقلوب التي احبتناوبرغم الحب لم تخلص لنا

وشكرا اكبرللقلوب التي اخلصت لناوبرغم الاخلاص

لم تحبنا

********

فأحيانا

قد نشعر بهاولا نقولها

واحيانا اخرى

قد نقولها

ولا نشعر بها

قبل ان يدركنا المساء نكسر الحب

حين يأتي قبل الآوان

ويكسرنا الحب

حين يأتي بعد الآوان

********

وبعد ان ادركنا المساء

تُرى

هل يدرك اولئك الذين مروا في هذه الحياة

ولم يذوقوا طعم الحب يوما

انهم ابدا لم يمرّوا؟

********

من انا؟؟

كانوا دائما ما يتكلمون ويقولون انها مسألة وقت

سوف ينهار عالمك الذى تصنعينه فى لحظه

لا تامنى لاحد لا تامنى للزمن انه كفيل باضاعة كل شئ

ولكن لم اكن اتخيل انه بهذه القسوه

شكرا ايها الزمن لقد علمتنى كثيرا واخذت منى كثيرا

شكرا ايها الزمن على ايلامى وابعادى عن كل من احببت

شكرا ايها الزمن على تحطيم اجمل احلامى

شكرا ................. اقولها بوجه صارم و قلب كالحجر

اننى انظر الى نفسى

من انا؟؟؟؟

قل لى من انا؟

أأنا ضحية لعبة زمن لاه

أم انا ضحية قلب ساذج تعلق باحلام زائفه باحثا عن مشاعر لا وجود لها فى زمن بلا مشاعر بلا قلب والاسوا ........بلا حب

لا

أنا ضحية ........................بشر نسوا او تناسوا انهم بشر

C'EST MON AMOUR

لازم يكون بيحبننى اكتر من انى بحبه كمان

لازم يكون اجتماعى وبيهزر على طول ومش نكدى لانى ماليش فى الجو النكدى ده خاااالص

ولازم طبعا يكون متفاءل جدا لان اكيد اكيد الحياه حلوه

لازم يكون مجنون ومجنون اوى كمان

عاوزه تكون مواضيعنا وافكارنا واحاسيسنا واحده

عاوزاه يفهمنى من غير ما اتكلم

عاوزه لما اكون زعلانه يكون اول واحد اجرى عليه عشان يطبطب عليا

عاوزاه يكون صريح ومباشر جدا وما يلفش ويدور ويقولللى بحبك من غير حوارات كتير

عاوزاه يحسسنى ان حياتى دايما مفاجاه كبيره

عاوزه امر معاه بكل حاجه سواء حلوه او وحشه بس يكون جنبى

عاوزه احبه لدرجة انى ابقى ماشيه فى الشارع وانا نفسى اقول لكل الناس هوه ده حبيبى ،هوه ده اللى انا عاوزه اكمل عمرى معاه

عاوزه لما اكون ضعيفه هو اللى يقوينى،ولما اكون خايفه حنانه هوه اللى يدفينى

عاوزاه يحسسنى انى فى نظره احلى واحده شافتها عينه وانى الشخص اللى عمره ما هيتخلى عنه

عاوزاه يخاف عليا اوى ويغير عليا اوى بس فى نفس الوقت يبقى ثقته فيا بلا حدود

عاوزاه يزعقلى ويشخط فيا لما اغلط،وساعتها انا ازعل وييجى يصالحنى وكل نظره فى عينيه بتقوللى سامحينى انا عملت كده عشان بحبك

عاوزاه يشوف كل اغانى الحب فيا

عاوزه انام واصحى وصورته بين عينيا

عاوزه لما اكون معاه ما افكرش فى بكره،فيكون كفايه عليا وجوده معايا

عاوزه احس انى عمرى ما هبقى كامله الا بيه،وانه طول ما هو بعيد فى حاجه نقصانى

عاوزه لما اكون لوحدى ما الاقيش حاجه تواسينى الا صوته دايما فى بالى

عاوزه لما افرح اوى ما تكملش فرحتى الا بيه

عاوزه لما افكر فى اى حاجه افكر فيه قبلها

عاوزه لما البس حاجه جديده افكر مليون مره اذا كانت هتعجبه واذا كان هيشوفنى حلوه وللا لا

عاوزه يكون ليه نفس اهتماماتى واختياراتى وطريقة حياتى

لازم تكون ليه احلى ابتسامه فى الدنيا،اللى لما اشوفها احس ان اى تعب او زعل راح

عاوزه لما اشوفه ما اشوفش حد حواليا غيره، واتلكك عشان ابقى قريبه منه او اسمع صوته

مش عاوزاه يجرحنى ابدا ويكون دايما مراعى مشاعرى

مش عاوزاه يكسرنى لانى لو اتكسرت بجد مش هرجع تانى

عاوزاه يبقى مقدر ان اهم حاجه عندى كرمتى وانه لو فكر فى يوم يهينها يبقى قتل حبى بايده

مش عاوزاه يتكلم عليا خالص ويبقى حاسس ان اى كلمه بيقولها عليا ازاى ممكن توجعنى

عاوزاه يبقى متاكد ان اى كلمة او نظره حب منه عندى بالدنيا بحالها وعمرى ما هطلب اكتر منها

عاوزاه يبعتلى اغنية عارفه لمحمد رحيم واغنيله اغنية بحلم بيك ساموزين

عاوزاه يتاكد انه فى نظرى احلى واحسن واجمل واعظم شخص فى الدنيا وانى مستعده اضحى عشانه باى حاجه

عشان حبيبى

****************هوه ده الحب اللى هفضل طول عمرى مستنياه واللى مش هقبل الا بيه حتى لو فضلت عمرى كله مستنيه

حد يعرف شخص بالمواصفات دى فى الدنيا كلها؟؟؟؟؟؟؟


(مع العلم ان دى مواصفات كنت كاتباها وانا طفلة اكييييييييد اتغيرت كتير :) )

كانت هذه الايام بالنسبة لى اسوا ما مررت به
كنت اشعر بالوحده القاسيه تكتنفنى من كل مكان
كنت اشعر وكأن الضباب يغلف قلبى وعقلى
كنت اشعر الهواء من حولى ثقيلا بغيضا حتى اننى لا استطيع التنفس فيه ، كنت اريد التحرر من قيود هذا الجسد وانطلق لاشعر بالحريه
لم اكن اريد سوى سلام النفس
حتى اننى فكرت اننى لن اجده الا فى الموت......
!لم اكن اعرف ماذا اقول وماذا افعل
ولو كنت قلت لتكلمت بلا نهايه ولو كنت فعلت لفعلت الجنون
فلم تعد امامى سوى دموعى اذرفها رثاء لنفس معذبه
ترى ما كان سبب ذلك؟؟؟؟؟
لا اذكر كثيرا ربما لانى اريد ان انسى او اتناسى هذه الاحداث
ربما كان السبب الحقيقى اننى خسرت ماكان قديما يمثل لى اعظم قيمه
لقد خسرت الحب والصداقه
كنت اشعر بان كل من احببت يبتعدون وانا لا استطيع فعل شئ
كنت اكتفى بالنظر والصمت فالبكاء الصامت
كان بكاء بلا دموع كان قلبى هو الذى يبكى
اغالب دموعى بصعوبه
اكتم انفاسى
ابتعد
اجرى
اخفى وجهى
لا لن ابكى ، لن استسلم
انهض مره اخرى
لكن ، يعاودنى الحنين
فتعود الذكرى اعنف واقسى
اتعذب لاعيد الكرة
وفى كل ذلك نفسى مضيعه بين الالم الممض والقناع الزائف الذى كنت ارتديه لارسم البسمه على وجهى
كم استمر الحال على ذلك ؟؟؟
لا اعرف
ولا اريد ان اعرف فالايام كانت تمضى ولا اشعركانت حياه بلا حياه
وها انا قد عدت الى نفسى وقلبى وحياتى
من الؤكد اننى تغيرت
لا اعرف اكان للافضل ام للاسوأ
لكننى افضل ان تحكم على الايام والناس .......
جزء من ايامى انذاك :if u think u are alone,sad,no one loves u, no body cares about u ,what would u do?First:u would remember all the good times u spent with ur friends,ur love,ur family and u will catch ur self smiling.Then:u would remember the bad times and the moments u became alone in,but no body helped u,ur smile will disappear again,and ur sadness would be greater.Finally u would look at the mirror and u will find amiserable person,who has no hope in life and u will ask ur self how did this happen? u may cry but after awhile ur tears would stopu would say that u dont need any body and u will decide to stop showing ur weakness cause no body would mercy that weakness.But what then?after awhile u will miss the people u loved and lived with,u would need to talk but u cant cause ur dignity prevents u.so what to do?what is the solution?i would say do what ever u want,shout,scream,run in the street,get free to calm down.so what do u think?would u share me ur feelings?
N@NNY **********************

من جوه منى يعنى من نفسيتى الداخليه

اممممممم ادى امتحانين خلصوا والحمد لله كانوا تمام جدا وان شاء الله ربنا يكرمنى فى الباقى
طيب ايه سبب الاحساس الرخم ده
انا متضايقه ليه
عارفين انا حاسه بايه
انا حاسه كانى حاجه من جوايا فاضيه اوى اوى بجد
حاسه بفراغ مش طايقاه نفسى يطلع ومش عارفه
حاسه انى عاوزه اتنفس ومش عارفه كانى عاوزه اطلع بره حدود نفسى واتحرر من سيطره نفسى المعقده دى
طيب ايه السبب ؟؟؟
ده اللى هيجننى بقى
فى اغنيه اسمها حكايه منسيه بتاع شذى مش عارفه ليه ماثره فيه اوى كده
محسسانى ان انا اللى بتتكلم بتحسسنى انى مكسوره اوى ومحدش عارف ده
بس اكيد هقوم واكيد هبقى اقوى واحسن
بس لاانا مش مكسوره
هتكسر من ايه اصلااااا
اانا مش فى جديد خااااااااااالص
بس برضو هوه ده الاحساس اللى بتديهونى الاغنيه
ايه ده تصدقوا ممكن فيها شويه منى
لا ده كتير
(حكايه صغيره ومرت لا نفعت حد ولا ضرت انا واحده من الوهم اتضرت وفقت يادوب)
امممممممممم طبعا بتقولو ايه المجنونه دى ايه اللى بتكتبه ده
بس هوه ده اللى جوايا يعنى عاوزنى اكدب يعنى
مااااااااا علينا
بس برضو الحياه جميله
انا عندى شوية اصحاب سكره وبحب اسرتى جداااااااااااا وحياتى بجد حلوه وبحمد ربنا عليه
اطبعا كده اتاكدتوا انى مجنونه لانى من دقيقتين كنت بقول ان انا متضايقه
ههههههههههه
اصل ده الواقع بتاعى واللى فى الاول ده اللى جوايا
اه فى اغنيه تانيه اسمها فين الحبايب دى برضو يتعيطنى اوى
نكديه انا اوى صح؟؟؟؟
لا والله بس الاغنيه دى بقى فعلا بتفكرنى بنااااااااس كتير يا اما سابونى على غير ارادتهم عشان بكل بساطه ماتوا يا اما النداله هى كانت السبب
يااااااااااه دى كانت ايام غريبه او انا اللى كنت غريبه يا اما الناس هى اللى غريبه مش عارفه
بس اكيد كان فى حد غريب فى الموضوع(ادى الحيايب ياقلبى يا سايب جرحك يقدر عليه بيع اللى باعوا دول همه اللى ضاعوا وامسح دمعة عينيك )(باقى سكاتك بيدارى فى اهاتك باقى دمع هوان شوف فى حكاياتك هتلاقى حياتك ضاعت قبل الاوان)
اه اتخنقتوا من النكد وللا ايهخلاص خلاص عشان انا كمان بدات اتخنق
امممممممممممم مفيش كلام تانى يعنى ايه اللى هكون عاوزه اقوله ليكوا مثلا مثلا
يللا بااااااااااااااااااى هصدعكوا بعد الامتحانات بقى وهكتب كتيييييييييييييييرسلااااااااااااااااااااااااااااااااموز لاصحابى

تخـــــــــــــــــــــــاريف

دى حاجات كتبتها قبل كده وما كملتش،جمل وكلام مالهوش نهايه،فكره بتيجى من غير توضيح،موقف بيحصل،كلام كتيرمعظمه تخاريفبس بتمر علينا كتير

************

((دعوه للتفكير))

((دى مع اول مره سمعت الضمير العربى))

(كفايه بقى،كفايه ظلم ،كفايه خضوع،كفايه استسلام كفايه ذل،كفايه خوف

مابنفكرش غير فى نفسنا وبس،كل يوم فى مئات الاطفال بيموتو

ااطفال زى اى اطفال بيحلموا باللعب وحياه جميله لكن حلمهم اتحول لكابوس ما بيصحوش منه ابدا،بيناموا وهمه عاملين حساب انهم ممكن يموتوا فى لحظه على ايد ناس اتعدمت فى قلوبهم الرحمه،على ايد بشر ماعادوش بشرفين ضميرنا فين احساسنا بالناس دى

ده فى ايام كتير اوى بتعدى من غير ما نتعب حتى نفسنا بالتفكير فى الناس دى انا مش بدعو للمثاليه لاننا كلنا خطائين والخطا مش هيتصلح بسهوله،انا بس بتكلم على احساسنا باخواتنا اللى اكيد هييجى علينا الدور وهنقف مكانهم

قبل ماكل واحد يفكر فى نفسه لازم يفكر فى معاناة الناس دى

ايه المعاناه بالنسبه لاى حد فينا؟؟؟؟واحد بيحب واحده ومش عارف يكلمها!!!وللا واحده حبيبها سابها وراح لغيرها!!!وللا واحد حياته مش عاجباه ومش راضى بيها وبيطمع فى الاكتر منها!!!وللا الاسوا واحد ماعندوش مشاكل اصلا وعاوز يملأ فراغه من الملل ده!!!هم بقى ايه مشاكلهم؟؟؟طفل هيموت من البرد والجوع ومش لاقى مكان يبات فيه بعد مابيته اتهدطفل صغير اتقتل اهله ادام عينيه واتسرق بيته وارضه ووطنه ومش لاقى حد عنده ضمير يقف جنبهوللا شاب مش لاقى شغل ولابيت ولا وطن ولاحتى وطن عربى يضمهوللا راجل كبير مش عارف ياكل بيته ومراته وولادهالفرق بينك وبين اى حد هناكانت عندك بيت وهو لاانت عندك اهل واصحاب وهمه اهله اتقتلواانت ماشى فى امان وهو حاطط حياته بين ايديه فى كل لحظهانت بتدور وبتخطط لحياتك ومستقبله وهو مش عارف يضمن الحاضر اصلا عشان يفكر فى المستقبل انها دعوه للتفكير

******************

لماذا مازلت تبقى على حب اقرب للوهم؟لماذا مازلت تتلهف على من خدعك وظلمك،جرحك؟امازلت تريد هذا
ا العذاب؟
امازلت تريد هذا الهوان؟
لماذا هو،وهو فقط؟ انه لا يستحقك،لماذا لاتقاوم؟
تذكر ليالى الالم الممض،تذكر دموعك اناتك اهاتك تذكر صرخة الامك وهو يضغط على جرحك بكل قوه وقسوه انتظر قليلاستجد من هو افضل ستجد من يحبك وتحبه بحق

******************

خفق قلبها بقوه عند رؤيته من بعيد،قالت فى نفسها انه هو،نعم انه حقا هو،يالهى كيف يبدو مظهرى الان
تصارعت الافكار فى راسها،ترى هل يتذكرنى،لقد مر زمن طويل
وفجاه اجتاحاتها الذكريات الاليمه لذلك الزمن البعيد،تذكرت حبها،اخلاصها،وفاءها وكيف تلقت فى المقابل قسوه وتجاهل والم،تذكرت دموع الامها وكيف انتهى بها الحال معه كسيرة القلب
ولم تشعر الا ودمعه ساخنه تنحدر على وجنتيها فنفضت راسها فى قوه وقالت لا لن اعود لن استسلم ثانية لقد كان ياسا لا حبا ووجدت نفسها تقف بالقرب منه ورفعت راسها لتنظر له نظرة اخيره اودعت فيها كل ما بداخلها من ثوره وغضب وعتاب ولسان حالها يقول
الوداع يامن كنت حبيبى

*******************

كان وهما فقتلت وهمى

********************

اماه اترين الذنب ذنبى حقا؟اماه...لقد علمتنى الحب فى زمن اصبح الحب فيه خرافه تتناقلها الالسن وتلفظها القلوب فى ازدراء
لقد علمتنى الصدق فى زمن احتضر الصدق فيه
لقد علمتنى ان اكون امينا فى زمن علاه عرش الخيانه
اماه...لقد بنيتى لى صرحا متينا من القيم لكن اتراكى تعرفين كيف تصدعت جدرانه
كيف تهدم فوق راسى
اماه...لا تبكى..انه ليس خطؤك انه ذنب اناس رضوا بالظلم قاضيا بينهم
اناس رضوا بمحاكمة الحق والعدل والفضيله لقد وقفت ادافع عنهم..لكن لم استطع..لقد كنت وحيدا
لقد نظرت حولى لم اجد سوى الباطل
ووجدت قاضى الظلم يصدر حكم الاعدام قبل ان تبدا المحاكمه
حاولت ان اتكلم ولكن وجدتنى بلا صوت لقد مات صوت الحق
ووجدتنى فجاه فى زمن فيه
الحريه كلمه تزين قيد معصمى

**************************

الحب

آل ايه كنت قاعده كده فى امان الله واذ فجاة قررت اكتب خواطر لموقف واحده وبعدين لقيت الموضو ع كبر ودخلت فى الكلام وعلقت امعرفش ليه...

((لم اكن اتخيل ان هذا ممكن الحدوث،

لم يخطر ببالى قط ان تواتينى الجرأه لفعل ذلك.

نادمه؟؟

لا ولكن داخل كل فرد منا شغف بمن يحبه حتى ولو لم يكن يبادله المشاعر،اخرجت ربما من يحبنى من حياتى ولكن هذا هو التصرف الصحيح.ان بداخلى بعض من الالم لجرح شخص لم يكن ذنبه سوى انه احب

،ولكنه احبنى انا

،انا لم اعد صالحة للحب،

لا انكر ان احيانا كثيره اكون فى حاجة للحب ولكننى لا استطيع ان اتقبل ان يكون هو من احب

لااعرف لماذا؟

رباه،هل اكون مذنبة فى اننى لم استطع ان احب ذلك الشخص

،هل اكون مذنبة لاننى حاولت ان اقطع كل صلة به لغاية اكبر وهى ارضاؤك

.كل البشر خطاؤون ولكننى اشعر من داخلى بالغريزة التى تم زرعها بداخلنا اننى امشى فى الطريق الصحيح لاصبح افضل

.هو سيكبر ويجد من هى افضل وانا ساكبر لاتابع حياتى ومستقبلى،

وانى موقنة من داخلى اننى ساجد ما اتمناه يوما ويوم ان اشعر بقلبى ينبض بحب حقيقى ساشعر ان كل ما مضى كان وهما وسرابا وكانه لم يكن له نصيب من حياتى

.ربما نلتقى يوما ما ،

هل سيكون ممتنا لى لاننى تركته يتابع حياته بلا مصاعب،

ربما فى حينها سابتسم فى اعماقى واتذكر يوما كانت مشاعرنا بريئة فيه لم تدنسها اثار تجارب حياتنا التى مررنا ومازلنا نمر بها.

ربما انظر اليه واجد بجانبه امراه جميله ينظر اليها بكل حب وبينهما طفل جميل هو ثمرة حبهما ثم ينظر لى ليتاملنى فيتذكر فى لحظة خاطفه كل ما مررنا به ويود لو يبتسم من داخله ويقول كم كنا صغارا فانظر له وانا ابتسم واقول نعم كنا صغارا ليتنا نعود يوما

ترى هل تذكر؟؟؟

حسنا،مازلت انا صغيره مازالت امامى الفرصه،ان تضييع لحظة اخرى فى الحزن والخوف سيعد حماقه انها اجمل سنى العمر

انها البراءة والجمال تتمثل فى كل لمحة فينا،فدعونا لا نتركها تضيع هباء

،لن اخطئ لادفع ثمن خطئى ندما عندما اكبر ان الحب دون ارتباط ومصير محدد هو ببساطه شئ مشوه بلا ملامح لم تكتب له الحياة ليكبرانه وهم نصنعه بايدينا

انها الحاجه الى الحب ذاته،الى من يحبنا ونحبه

،الى الشغف واللهفه ونظرات الحب

ومهما يكن الشخص فان اول من نقابله ونجد به بعض الصفات المرتقبه نتعلق به ونشعر ان حياتنا من دونه لا شئ.

ولكن هذه هى السذاجه بعينها،لماذا نبنى حياتنا على اساس خاطئ،سيترك اثره بالتاكيد فى نفوسنا مهما حاولنا ان نؤكد ان هذا لن يحدث

،لماذا نغضب اجمل واعظم شئ فى حياتنا، ان الله رحمته واسعه لكن لماذا من البدايه نفعل ذلك

،لماذا نجرح قلوبنا ونثقلها بالهموم فى هذه السن،لماذا لا نعيش حياتنا ببساطه وبدون تعقيد؟

لكن كم منا يفكر بهذه الطريقه،انها سيطرة المراهقه فهى صاحبة الكلمه العليا

هنا

،لكن كم منا يستطيع ان يخرج منها بلا خسائر معنويه

،بلا تنازلات،

بلا قيم مهدوره

،هذه هى الحقيقه هذه الايام انه الاساس الخاطئ الذى بنى منه جيل ومازلنا نعانى نحن مه ولكن فلنفكر بالمنطق ولو لمره واحده فلنفكر فى المستقبل،ما مصير ذلك الحب؟

ماهى النهايه؟

ما المستقبل؟؟؟؟

كلها اشياء مجهوله بلا اجابه؟؟؟؟

فهل يملك احدكم الحل لهذه المشكله؟

مشكلة الحاجه الى الحب

هى شئ طبيعى لا يتجزا منا،انا لم اجد الاجابه وربما انا بحاجة الى الحب ولكننى وطنت نفسى منذ زمن على افكار ومبادئ لن اتخطاهامهما كبرت...
Eman
21-1-2008

هى ومدحت

المشهد الاول:
هى : لالا ما اقدرش اعمل كده ده ضد مبادئى واخلاقى.
هو : ليه يا حبيبتى،انتى مش واثقه انى بحبك؟
هى : طبعا،بس ما اقدرش ده لو حد عرف هيقطعونى.
هو : ومين بس اللى هيعرف ما تخافيش انا عامل حسابى.
هى:يا مدحت اياك تسيبنى او تتخلى عنى فى يوم.
هو : وانا اقدر ده انتى عمرى وحياتى،اطمنى يا روحى هاه خلاص وافقتى؟
هى : خلاص وهوه انا هلاقى امان فين غير معاك.
هو : وانا باكدلك انك عمرك ما هتندمى.
((وسابها الذئب المتوحش بعد ما خد غرضه منها،ودى نتيجة اللى يطمن لمدحت،اوعى حد يسمع لمدحت ايتها الحملان الوديعه ده متوحش متوحش،بكرر متوحش))

المشهد الثانى:
هى : هقتلك يا مدحت لو ما اتقدمتليش.
هو : هههههههه ظنانتى اجبن من انك تعمليها وانا ما ضربتكيش على ايدك
.هى : يا ندل،مش هسيب حقى وحق ابنى
.((خلوا بالكوا بقى فى طفل فى الموضوع كمان))
هو : انتى احسنلك تخلصى منه،وما تخافيش عشان انا طيب هديكى قرشين للعمليه.
هى : اه يا زباله ،انت لازم تموت لازم لازم
(تصرخ بجنون)
.هو : اطلعى بره، الظاهر انى كنت متساهل معاكى زياده عن اللزوم.
هى : ((فى عينها نظرة شر)) بكره تندم يا مدحت

.المشهد الثالث:
((مدحت نايم فى الشقه وهي بتتسحب للشقه))
هى : ((تصرخ)) هقتلك يا مدحت،
((ضحكه شريره))
هو : انتى بتعملى ايه يا هبله؟
هى : هوريك الهبل بعينه وهولع فيك يعنى هحرقك،انا جبت البنزين خلاص.
((راحت مغرقه البنزين عليه وولعت فيه))
هو : ااه الحقوووووووونى،بس انتى لازم تموتى معااايا.
((يجرى وراها وهو مولع، هى تجرى بسرعه))
لكن
اذ فجاة وقف
عارفين ليه
عشان البنزين خلص

ههههههههههههههههههههههههههههههههه
:D:D:D:DTHE WRITER:EMANTAB3AN ELKESSA ELMO3ABERA DE BETDOL 3LA MAWHEBTY EL FAZEE3AAATELL ME WHAT DO U THINK OF IT?I KNOW OFCOURSE THAT IT'S PERFECT,BUT MAKING SURE :P:P

كوكو والاستاذ

كوكو دى يا جماعه بنت صغيره بس طبعا عسوله وسكر وكل الناس بتحبها مش همدح فيها اكتر من كده لان ده كلام معروف
.كوكو مش فاكره امتى النجار سكن ادامهم
بس بتقول فتحت عينيه على الدنيا ولقيته ادامى

كوكو دايما كان النجار يصحيها بليل بالدق على الكراسى الللى بيعملها
وكان الدق بتاعه مع اول مره يدق فيها قلبها بالحب
ومن هنا بدا الحب بين كوكو والنجار

يا سلام لما كانت تشوفه ويقوللها ازيك ياكوكو وترد عليه وتقولله الحمد لله يا استاذ

بس كان بيفصل بينهم كتير ، مش السن والكلام الفارغ ده طبعا ،
ايه يعنى انها تكون 4 سنين وهو 40 سنه،
لالالا دى شكليات.اللى كان بيفصل بينهم اسمى من كده
كان3 ادوار كاااامله عشان هى كانت للاسف ساكنه فى التااالت
والاكتر كمان الشباك العاااااااااااالى اللى كانت كوكولازم تجيب كرسى عشان تبص منه وتشوف الاستاذ
وفكرت كوكو فى حل بذكائها المعهود
بقت تجيب اللعب بتاعتها وترميها من الشباك العاااالى ده(قمة العبقريه طبعا).
واد ايه كانت مهمتها صعبه
كانت بتجيب الكرسى الكبييييير وتطلع عليه بعد ما تكون لمت اللعب وترميها وكل ده فى سريه تامه لكن كله عشان الحب يهون
وبرضو الاستاذ يستاهل.
وترمى كوكو اللعب(ال يعنى وقعت منها)
.وفجاه الاستاذ يرفع عينه ويبصلها وهو بيبتسم
وهى طبعا لازم تضحكله
ويقوللها كالعاده ازيك ياكوكو وهى تتنهد وتقولله الحمد لله يا استاذ

ويطلع الاستاذ اللعب لكوكو لحد عندها
وساعتها كان فعلا بيكبر فى نظرها
بقى الاستاذ بحاله يطلعلها اللعب ويطلع كمان 3 ادوار عشانها
لكن الزمن غدر بيهم والاستاذ قفل المحل فجاه وقعدت كوكو مستنيه ان الاستاذ يرجع

ومرت سنين كتيييير كده

واهى كوكو بتكتبلكوا حكايتها وبتتمنى ان حد يقوللها اى اخبار عن الاستاذ او يدلها عن مكانه عشان تساله ايه علاقة اسم ايمان لكوكو
اصل اكيد لييه نظره فلسفيه موضوعيه فى الموضوع ده ده مش اى حد ده الاستاذ
اللى يعرف مكانه يرجى الاتصال ب 016000000555550000

المشهد الاول

هى:لالا ما اقدرش ده ضد مبادئى واخلاقى.

هو:ليه يا حبيبتى انتى مش واثقه ان بحبك؟

هى: طبعا بس ما اقدرش ده لو حد عرف هيقطعونى

هو: ومين بس اللى هيعرف ما تخافيش انا عامل حسابى

هى:يا مدحت اياك تسيبنى او تتخلى عنى فى يوم

هو:وانا اقدر ده انتى عمرى وحياتى اطمنى يا روحى هاه خلاص وافقتى؟

هى:خلاص وهوه انا هلاقى امان فين غير معاك

هو: وانا باكدلك انك عمرك ما هتندمى

الحيره

وبعديين ايه اللى المفروض اعمله ايه الحل لاى حاجه من اللى بيحصلوا انتى فاكره انك عرفتى توهميهم كلهم انك نسيتيه لكن لا لانه لسه فى قلبك وهيفضل فيه عمرك ماهتشوفى غيره جواكى وعمرك ما هتفتحى قلبك لحد تانى انتى يمكن خلاص مش عاوزاه لكن فى نفس الوقت برضو مش هترضى بغيره طيب كل دى ليه؟ ليه هوه ليه التاثير ده عليكى ده ماكنش حب ده كان وهم انتى عارفه انه ماكنش ليه مستقبل
ليه اتجرحتى اوى كده ليه انهرتى اوى كده مش هوه ده اللى يستاهل حبك
انا عارفه انك دلوءتى ما بتفكريش اذا كان يستاهل وللا لا انتى بتفكرى فيه هوه وفى نفسك معاه رغم انك يمكن ما تكلمهوش تانى لكن انتى مفيش خطوه فى حياتك بتقومى بيها غير لما تفكرى كان رايه هيكون ايه فيها
بكره تحبى وتلاقى اللى يقدرك الحاه عمرها ما بتقف عند حد واعرفى ان هوه ده الخير ليكى بجد
يارب احميها ونسيها وارحمها من عذابها يارب ماتعرض قلبها لجرح تانى هيه مابقتش حمل حاجه يارب انت العالم بحالها خفف عنها وساعدها
امين

غروب

دائما تجده هناك واقفا فى نفس المكان عند الغروب متاملا لقرص الشمس وهو بنحدر فى السماء وهناك تلك النظره الحزينه الباكيه من عينين يشعرانك بان حزن الدنيا وهمومها قد تجمع فيهما كان يقف هناك ويتذكر مشهد اثنين كانا يقفان معا ذات يوم ليتاملا نفس مشهد الغروب ولينظرا اليه بكل امال الحاضر والمستقبل وبعيون سعيده لم تجرع مرارة الام الحياه بعد لكن امالهما غربت مع الشمس وانحدرت بلا رجعه ليحل مكانها سواد الليل الحزين والذى تضيئه النجوم الفضيه المتناثره فى الفضاء السرمدى ربما لتمنحه شيئا من الامل فى شمس جديده تشرق على حياته لتبدد هذا الظلام اما هى فقد فقد اثرهامع غروب الشمس وضاعت فى ظلام الليل ولم تستطع ان تجد طريقها وسط نجوم حياتهما لكن اكثر ما يؤلمه انه لم يستطع ان يمد يده اليها قبل ان يبتلعها ظلام ليله الحزين رغم انه نادى عليها لكنها كانت تائهه حائره فلم تصغى اليه لم تؤمن به لم تؤمن بمستقبلها معه فاصبح مستقبلها هى دربا من دروب الوهم وسرابا تجرى وراءه بلا فائده ربما يكون هو وجد طريقه وسط الظلام ونجا من ظلمات الفشل والياس ولكنه كان طريقا صعبا وطويلا مليئا بالعقبات فهو دائما ما يتمنى ان تمتد اليه يد بامل نور مشرق جديد ولو كان حتى املا زائفا حتى يحلم بمستقبل جديد

لذا مازال ياتى كل يوم لعله يجدها يوما يجد شريكة اماله واحلامه

Nanny

7\10\2007

احسن واسوا سنه فى حياتى

تانيه ثانوى لو قعدت اتكلم عليها عمرى كله مش هتكفى كلام عليها بجد كانت يمكن اكتر احداث غريبه وكتيره فى حياتى كلها انا اكيد مش هتكلم عليها بس سواء كانت حلوه او وحشه انا سعيده جدا بالسنه دى رغم ان فى اوقات كنت بلعنها فيها بجد بس دلوقتى بفتكر وابتسم عرفت ناس كتيره اوى ما كنتش عارفاهم قبل كده وكان فى ناس فاهماهم غلط كتير وبتاسفلهم بجد ده غير الهبل والغلطات الفظيعه اللى كنت بقع فيها فعلا كنت لا اطاق فى اوقات كتيره لدرجة انى كنت بستغرب دول مستحمليننى ازاى وسبحان الله اول سنه فى حياتى احب فيها المدرسه لانى قضيت فيها مع اصحابى احلى اوقات واتكلمنا فى كل حاجه واتخانقنا واتصالحنا واتناقشنا وياما ضحكنا مع بعض ووقفنا جنب بعض وواسينا بعض فعلا حسيت ساعتها ويمكن لاول مره اهمية انك تكون مع ناس بتحبهم ويحبوك وتبقوا ايد واحده بجد وانا بحمد ربنا الف مره على اصحابى اللى حواليه دول(منه وشيرى وعبير وريهام ويمنى ونهى) بجد اعز الناس عندى ويارب ما نفترق ابدا شكلى كده بدات برنامج اهداءات وبعد شويه هقول بهدى الاغنيه دى لماما وبابا وجدو وعمتو ما علينا المهم ان احلى لحظه فيها بجد كانت لحظة ما عرفت النتيجه انا ما كنتش بصدق ماما لما كانت بتقوللى ان فرحة حياتى هيه فرحة النتيجه ومسيرى جربها ولما جربتها ولاول مره فى حياتى اعيط من الفرح اللى ما كنتش اعرف معناه بجد واشوف فى عيون ماما وبابا نظرة فرح بالدنيا بحالها اسمع ناس بتهنينى ساهتها بس عرفت معناها وحسيت بالراحه الحقيقيه اللى ما كنتش مقدراها بجد ويارب ربنا يقدرنى واكمل المشوار ده فى تالته واحقق حلمهم وحلمى بجد بس دى كل حاجه بس برده عارفه انى اول ماهبدا تالته هترجع ريما لعادتها القديمه وبرده هلعن الدراسه على اللى بيدرسوا وما بتعلمش
بس
nanny

التاج التالت

واتاخرت جامد عقبال ما عملت التاج بتاع استاذ احمد عزام بس معلش امتحانات بقى يللا ملحوقه شكرا بجد على التاج ده يارب بس يكون حلو انا بخاف اصلا منهم احسن يطلعوا غلط او تتكشف عيوب فيه انا مش عارفاها يللا الحكم ليكم

نبتدى الحكايه

هل انتى تحبى؟

مش مقتنعه الى حد ما بيه دلوقتى بس الاعاب موجود فى كل وقت ولكل الاعمار اعتقد

من تحبى ؟

اكيد ماما واسرتى واصحابى وناس كتير كده

ما هو تعريفك للحب؟

مقلب او وهم واحنا مصدقينه بس وهم ما بنحاولش نصحى منه ولو صحينا بنبقى مجروحين اوى

ما دلالة الحب عندك؟

ان يكون مبنى على الثقه والصراحه المتبادله

ماهى انجح قصة حب فى رايك؟

لو فى حياتنا الواقعيه اعتقد قطز وجلنار بجد ايه الناس دى الناس اللى عمرنا ما هنلاقيها لما يجمع التدين والحب والوفاء والاخلاص والتضحيه مره واحده

ماهو اروع تعبير للحب فى نظرك؟

ان تجعل من يحبك يشعر بقوة حبه لك واسعاده وان تحاول احساسه انه الافضل ةان كلامه هو الاجمل ونظراته هى الاقوى

صفى احساسك عندما احببتى؟

هوه انا مش حبيت بس اعتقد انا عرفه احساسى هيكون ايه

انا هكون متناقضه جدا احساس بالفرحه واللهفه والخوف والحريه وحاجات كتير اوى ده لو اللى انت بتحبه بيحيبك

هل انتى مع من تحبى؟

حتى يفرقنا الموت

ماذا تتوقعى من حبيبك اذا واجهتكم مشكله؟

هيقف معايا بجد ويحسسنى انه عمره ما هيسيبنا وان هوه اللى هيحل وهوه اللى هيحمينى

بيت شعر يذكرك دائما بمن تحبى؟

احيها...... فهى من عرفت الحب يوما عندها واستيقظت فى حنايا صدرها

اغنيه ترتبط مع قصة حبك؟

ارجعلى(تامر حسنى)ا

ما اقصى ما تستطيعى ان تقدمى لحبيبك؟

حبى وقلبى واخلاصى للابد

هديه اهداها لك حبيبك وستحتفظ بها طوال حياتك؟

حبه ولهفته على

صف اول لقاء بينكما؟

المشكله ان مفيش لقاء بس هيكون كويس ان شاء الله هيكون احلى حاجه حصلتلى وهيمر بسرعه اوى كانه ما حصلش

مكان ترتبط به ذكرى بمن تحب؟

لو حصل انا واثقه انه مجرد اى مكان اشوفه فيه هيبقوا احلى ذكريات بجد فعلا

هل يمكن ان تفترق انت ومن تحب؟

اذا احترقت النجوم وهوت الشمس لن اتخلى عنه

بهدى التاج لكل من

ايمن قاسم

علياء محبوب

ليه فعلا هنضيع عمرنا احنا هناخد منها ايه ليه حياتنا جافه كده يمكن انا عشان مخنوقه بعد الامتحان ساخطه على كل حاجه مش من الامتحانات بس على فكره بس هيه فكرة ان كل حاجه حواليك بتضغط عليك ونفسى اعمل حاجات متير اوى بجد ومش قادره كانى متقيده وفعلا احساس بجد وحش لما تكون ناس عاوز تثبتلهم حاجه وتلاقى العكس دايما هوه اللى انت بتثبته لما تكون عاوز تواجه بجد ولا تكون مجروح من حد اوى ونفسك ان هوه يحس بيك كلها مشاعر لما تتجمع مره واحده تموت بجد طب ايه الحل بجد ايه اللى المفروض اعمله عشان اخلص من الاحساس ده للاسف مفيش فعلا ولما بقى تقعد تفكر فى ده وتحس ان حدودك وحدود جسدك مش مكفياك وانك عاوز تطلع تخلص وبعدين تكتشف ان كمان الدنيا نفسها ضيقه عليك يا الله على ده احساس بجد مش بتمناه لحد لانه وحش بجد لانك بتتدبح من جواك والمفروض انك تضحك وما تبينش ده لانه ضعف او انا بعتبره ضعف لانى لو انكسرت من جوايا مش عاوزه فى نظر الناس اتهد بس ده اللى كان نفسى اقوله دلوقتى لعله يخفف
ايمى

اهدانى الاستاذ احمد عزام التاج ده وانا سعيده جدا بيه بس يارب يطلع كويس اصل ده تانى تاج بعد التاج اللى اهداه العمده ايمن قاسم يللا ربنا معانا

أحب شخص الى قلبك في الدنيا؟

ماما واخويا شريف

إنسان مستعد تضحي بحياتك _ركز في كلمة حياتك_عشانه؟

برده اخويا شريف

إنسان كرهته لدرجة الجنون و تمنيت لو تمسك سكينةو تنقض عليه و تغرزها في قلبه تقتله و تقف تبص على جثته و تشفي غليل قلبك؟

مس العربى فى اولى ثانوى

ما هو إسم أجمل كتاب كتبه بشرقرأته و محتفظ به حتى الآن؟

البؤساء

إسم كتاب_كتبه بشر برضه_إنت متعلق بيه و بتقراه كل فترة؟

ملحمة الحرافيش

أهم جهاز منزلي متعلق بيه أوبتستخدمه كتيرشىء تحس بالراحة النفسية عندما تنظر إليه؟

الكمبيوتر

شىء تحس بالراحة النفسية عندما تنظر إليه؟

البحر والشروق

مكان تحس فيه بالحنين إلى شىء لا تدري ما هو و ذكريات جارفة إلى لا شىء؟

بيت جدى والحقول الخضرا وواسعه

مكان تحس بالراحة عندما تدخله؟

المسجد وبرده بيت جدى

أجمل مدينة زرتها داخل مصر؟

مرسى مطروح

شخصية كرتونية بتحبها؟

بطوط

نوع هاتفك المحمول؟

نوكيا

سرعة بروسيسور جهازك؟

3.5

ذاكرة _هارد_جهازك؟

160G.P

المساحة التي تشغلها المساحة الاسلامية على جهازك؟

11.9G

نفس الاجابة السالف ذكرها في قلبك_الاجابة لنفسك عشان الرياء

اعتقد اللى يمنعنى من انى اتماشى وانجرف مع كل اللى بيحصل حواليه

أهم هدف انت واضعه لحياتك الآن؟

ادخل كلية صيدله

مواصفات فتى الاحلام بالنسبة لي؟

متدين وحازم وحنون وكريم وطبعا يحبنى

صف ما يأتي شعورك لما بتسمع كلمة مصر؟

مش عارفه اعتقد خيبة الامل واحساسى ان كان ممكن يكون حالنا احسن بس الزمن الاغبر وساعات بزعل من نفسى كانى السبب فى اللى بيحصل فينا

شعورك لما بتسمع كلام عن اليهود؟

كره وحقد واتمنى انى اكون قادره ان انا اعمل حاجه بجد مع انه تفكير ساذج لكن هوه ده اللى بنحس بيه فعلا

شعورك لما بتشوف ضابط شرطة؟

بتخنق منه وابعد وبخاف الى حد ما واتمنى انى ما اقابلش واحد تانى

شعورك لما بتشوف الكناس العجوز في الطريق؟

بزعل واتمنى لو معايا الفلوس اللى تخلينى اساعده بيها بس بحترمه جدا فى نفس الوقت واقول ربنا ما يخلينا ننزل كده وبحمد ربنا

فكارك تجاه شاب ماشي في الطريق يلبس جلابية بيضاء قصيرة و عمامة و له لحية و بجيبه السواك و في يده مصحف؟

بفرح واتمنى انه ما يكونش استكمال للمنظر الاجتماعى وان يكون كل الشباب زيه ويرجعوا لدينهم ويمشوا على سنة رسولهم

إحساس يراودك في اشارة مرور مغلقة بسبب مسئول كبير؟

بتخنق وببقى نفسى اقوم اكسر عليه العربيه اللى راكبها

خلص التاج يارب يكون حلو

انا بمرره ل

العمده ايمن قاسم

طارق المملوك

هامش هاشم مع انى ما اعرفوش بس المدونه رائعه

علياء محبوب

try to know who am i iam who sold his age and bought you iam the person who did his best to satisfy you iam the person who loved you in silence but his eyes told you his feelings iam the person who you didinot notice not even for one second iam the person who you had hurted his feelings with out ant mercy
so have you reconized me?

زمن الجنون

اخذت انظر يمينا ويسارا بحثا عنه فلم اجده اخذت انادى باعلى صوتى ولكت تردد صدى صوتى فى المكان بلا اجابه اخذت اجرى ملتاعه فى ارجاء المكان ولكن بلا فائده اخذت افكر اين انا ونظرت حولى فلم اجد سوى فراغ وعدم والاشواك تحيط بى من كل مكان ثم وجدته فجاه ملقى على الارض ينزف فانحنيت ملهوفه عليه احاول ان اداوى جراحه الغائره فلم استطع قلت له ماذا حدث وكيف حدث هذا لك انت يا من كنت اعتبره الاقوى القادر دائما على تحدى الازمات والتصدى لضربات القدر قال لى فى تهالك اننا فى زمن الجنون حيث اصبح للنفاق والقسوه والكذب والخيانه الكلمه العليا واصبح اللص حاكم والظالم قاضى والقاتل ضحيه والبرىء متهم ماذا تظنين فى زمن انقلبت فيه الموازين زمن يرغمك على التخلى عن مبادئك للتعامل مع اشخاص اصبحت مبادئهم فى طيات النسيان واصبحت اخلاقهم دربا من دروب الوهم اننى راحل غير اسف على حياة بلا حياه فى ذلك العالم واذا بى اجده بتوقف عن النبض بين يدىفانطلقت اصرخ واصرخ

واذا بى استيقظ من نومى فجاه وابكى على قلبى الذى فقدته واصبحت مثل باقى افراد زمن الجنون انسانه بلا قلب........ا